मुम्बई । आफ्नो कार्यक्रम ‘कमेडी नाईट्स विथ कपिल’मा श्रीमतिको निकै खिल्ली उडाउँछन् कपिल शर्मा । कार्यक्रम हेर्दा लाग्छ यी निकै रुखो स्वभावका छन् ।
यीनै कलाकारले अब्बास-मस्तानको निर्देशनमा बनेको चलचित्र ‘किस किसको प्यार करुँ’ मा तीन जना युवतिसँग प्रेम गर्ने प्रयाश गरेका छन् ।
रिलमा आफ्नै उमेर समुहकी तीन किशोरीसँग प्रेम गरेको भएपनि रियलमा पहिलो पटक आफैंलाई पढाउने शिक्षिकासँग प्रेम गरेका थिए उनले ।
उनी अहिले पनि हाकाहाकी शिक्षिकासँग प्रेम गरेको सुनाउँछन् । उनको उक्त प्रेम सफल भने भएको थिएन ।
पछिल्लो समय चर्चित कार्यक्रम ‘कमेडी नाईट्स विथ कपिल’ बन्द हुन लागेको आसंका ब्याप्त छ ।
कार्यक्रम बन्द भैहाल्यो भने पनि त्यती दुःखी हुनुपर्ने कारण छैन । किनकी प्रस्तोताले कार्यक्रम सञ्चालन गर्न नसकेकै कारण कार्यक्रम बन्द हुन लागेको हैन ।
‘किस किसको प्यार करुँ’ मार्फत बलिउडमा प्रवेश गरेका कपिल ठूलो पर्दामै आफ्नो भविष्य सुरक्षित गर्ने अभियानमा छन् । ठूलो पर्दामै केन्दि्रत हुने भएपछि टेलिभिजन छाड्नै पर्ने वाध्यता रहेको उनका निकट रहेकाहरु बताउछन् ।
आफुलाई टेलिभिजनले सब थोक दिएको धारणा राख्ने कपिलले अझै निर्णय गरिसकेका छैनन् केमा केन्दि्रत हुने । उनले यत्ति भने ‘म जेमा सन्तुष्ट हुन्छु त्यसैमा काम गर्छु ।’
त्यसो त अन्य कतिपय चलचित्रवाट पनि उनलाई कामको प्रस्ताव आईरहेको छ । उनी राम्रो विषय छानेर अभिनय गर्ने मनस्थितीमा छन् ।