कहीँ घुमफिर तथा भ्रमणका लागि निस्किनुपर्दा महिलाका लागि सुरक्षाको चिन्ताले सबैभन्दा बढि सताउने गर्छ । सहरमा दिनदहाडै महिलाहरु बलात्कृत भएका, विभिन्न खाले हिंसामा परेका, हत्या तथा अपहरणमा परेका विभिन्न खबरहरु सुनिन्छन् बेलाबखतमा । तर दुनियामा यस्तै केही देश तथा सहरहरु छन् जसले आफुकहाँ सुरक्षाको पूरै बन्दोवस्त गरेका छन् र महिला पर्यटक त्यहाँ निर्धक्क घुम्न सक्छन् सुरक्षाको कुनै परवाह नगरी । इन्टरनेसनल वुमन ट्राभल सेन्टरका अनुसार चाहे दिन होस् वा रात महिलाहरु निस्पिmक्री भएर घुम्न सक्ने दुनियाका सबैभनदा सुरक्षित ५ सहर यी हुन् :
१. रेज्वेक, आइसल्याण्ड
१. रेज्वेक, आइसल्याण्ड
विश्व शान्ति परिसूचकमा महिलामाथि हुने यौन हिंसा तथा दुव्र्यवहारका घटनालाई आधार मानेर गरिएको सूचिकरणमा युरोपेली देश आइसल्याण्डको रेज्वेक सहर विश्वमा महिलाका लागि सबैभन्दा सुरक्षित सहर हो । महिला पर्यटकहरुले यो सहरमा पूर्ण सुरक्षित महसुस गरेर विभिन्न साहसिक पर्यटक तथा पर्यापर्यटनको मज्जा लिन सक्छन् । त्यहाँको रात्री जिवन पनि पूर्ण रुपमा रोमान्चक तथा सुरक्षित रहेको छ ।
२ं टोक्यो, जापान
महिला पर्यटकका लागि सबैभन्दा सुरक्षित दोश्रो सहर हो, टोक्यो । टोक्योमा महिलाको सुरक्षाका अलावा अर्को थप सुविधा पनि छ, त्यो हो क्राइंग रुम अर्थात् रुने कोठा । जहाँ महिलाहरु खुलेर मनको बह पोख्दै रुन सक्छन् । टोक्योमा पर्यटकका लागि मनोरन्जका क्षेत्रहरु निकै धेरै छन् चाहे त्यो सेंसोजी मन्दिर होस् वा घिब्ली म्युजियम, अनि क्यारोओकी होस् वा सुकुजी मार्केट ।
३. टोरन्टो, क्यानडा
खानपिनका लागि शौखिन महिलाका लागि टोरन्टो सबैभन्दा उपयुक्त सुरक्षित गन्तव्य बन्नसक्छ । महिलाका लागि विश्वको तेश्रो सबैभन्दा सुरक्षित सहरमा दरिएको टोरन्टो उत्तर अमेरिकाको सबैभन्दा सुरक्षित ठाउँ पनि हो । यो सहरमा विश्वभरका हरेक परिकारको मज्जा लिन सकिनछ । पर्यटकका लागि टोरन्टोको सिएन टावर तथा रोयल ओन्टारियो म्युजियमका साथै ९० मिनेटको यात्रामा पुग्न सकिने नियग्रा झरना मुख्य छन् ।
४. सियोल, दक्षिण कोरिया
सिओल महिला पर्यटकका लागि दुनियाको सबैभन्दा सुरक्षित चौथो सहरमा दरिएको छ । सायद स्पा उपचार विना कुनै महिलाको विदेश भ्रमणको धोको पूरा नहोला, त्यो इच्छा सियोलमा मेट्न सकिन्छ । सिओल दुनियाका सबैभन्दा सुरक्षित २५ सहरभित्र पनि पर्दछ ।
५. न्युयोर्क, अमेरिका
सेलिब्रेटीहरुको रोजाइमा पर्ने पहिलो सहर पनि हो न्युयोर्क । यो अमेरिकाको सबैभनदा सुरक्षित सहर पनि हो । यो सहर संस्कृतिप्रेमी, खानाप्रेमी वा फेसनप्रेमी सबै खाले महिला पर्यटकका लागि चित्त बुझाउने गरी सेवामा हाजिर छ ।
सेलिब्रेटीहरुको रोजाइमा पर्ने पहिलो सहर पनि हो न्युयोर्क । यो अमेरिकाको सबैभनदा सुरक्षित सहर पनि हो । यो सहर संस्कृतिप्रेमी, खानाप्रेमी वा फेसनप्रेमी सबै खाले महिला पर्यटकका लागि चित्त बुझाउने गरी सेवामा हाजिर छ ।